საქართველოს კონტროლის პალატა

ხელი შუწყოს სახელმწიფო სახსრების კანონიერად,მიზნობრივად და ეფექტიანად ხარჯვას, ეროვნული სიმდიდრისა და სახელმწიფო საკუთრების დაცვას, ასევე საჯარო ფინანსების მართვის გაუმჯობესებას.

დაეხმაროს საქართველოს უმაღლეს საკანონმდებლო ორაგანოს საპარლამენტო კონტროლის ფუნქციის განხორციელებაში საქართველოს მოქალაქეთა სასიკეთოდ.

განავითაროს სახელმწიფო სექტორის თანამედროვე, დამოუკიდებელი აუდიტორული მომსახურება, რომელიც შეესაბამება საერთაშორისო სტანდარტებს და სარგებლობს მოქალაქეთა ნდობით.

ობიექტურობა, დამოუკიდებლობა, საჯაროობა, პროფესიონალიზმი.

ფინანსურ აუდიტს, შესაბამისობის აუდიტს, ეფექტიანობის აუდიტს.

ფინანსური აუდიტი – მისი მიზანია ბუღალტრული აღრიცხვისა და ფინანსური ანგარიშების შემოწმება მოქმედ სტანდარტებთან მათი შესაბამისობის დადგენის მიზნით. შესაბამისობის აუდიტი – მისი მიზანია სახელმწიფო სახსრებისა და სახელმწიფო ქონების ხარჯვისა და გამოყენების კანონიერებისა და მიზნობრიობის შესწავლა და ანალიზი. ეფექტიანობის აუდიტი – მისი მიზანია, გამოავლინოს შემოსავლების, ხარჯებისა და სახელმწიფო რესურსების მართვის ეკონომიურობა, შედეგობრიობა და მიზანშეწონილობა, ამასთანავე, დაადგინოს, რამდენად ემსახურება ორგანიზაციის მიერ გამოყენებული რესურსები ორგანიზაციული მიზნების მიღწევას და მიღწეულია თუ არა ეს მიზნები ეკონომიურობის, შედეგობრიობისა და მიზანშეწონილობის გზით.

დაკისრებული კონსტიტუციური ვალდებულებებისა და ამოცანების შესასრულებლად საქართველოს კონტროლის პალატა თანამშრომლობს სახელმწიფო ორგანოებთან, დაწესებულებებთან, დაინტერესებულ არასამთავრობო ორგანიზაციებთან და მედიასაშუალებებთან.

კონტროლის პალატის უადიტის აქტები და გადაწყვეტილებები საჯაროა კანონით გათვალისწინებული შემთხვევების გარდა, აგრეთვე კონტროლის პალატა საქართველოს პარლამენტს ყოველი წლის 1 ივნისამდე წარუდგენს ყოველწლიურ ანგარიშს თავისი საქმიანობის შესახებ, რომელიც მოიცავს ინფორმაციას გასული წლის საქმიანობის თაობაზე. ყოველწლიური ანგარიში ქვეყნდება საჯაროდ.

საქართველოს კონტროლის პალატას ორმხრივი ურთიერთობები აქვს შვედეთის ეროვნულ აუდიტორულ ოფისთან(SNAO), სარგებლობს საქართველოში ევროპული კომისიის დელეგაციის(EC Delegation), მსოფლიო ბანკისა და განვითარების პარტნიორთა ერთობლივი ჯგუფის(WB, SIDA, DFID, Koninkrijk der Nederlanden), მმართველობისა და მენეჯმენტის გაუმჯობესების მხარდაჭერის პროექტისა(SIGMA) და გერმანიის ტექნიკური თანამშრომლობის საზოგადოების(GTZ) მხარდაჭერით.