საქართველოს კონტროლის პალატა

3 სექტემბერს შვედეთში ოფიციალური ვიზიტის დროს, სკპ-ის თავმჯდომარემ, ბ-ნ ლევან ბეჟაშვილმა ოფიციალური გამოსვლით მიმართა შვედ კოლეგებს და გამოკვეთა ორ ინსტიტუტს შორის არსებული თანამეგობრობის დიდი მნიშვნელობა. გამოსვლა პირდაპირი ეთერით გავიდა შვედეთის ეროვნული აუდიტორული ოფისის რეგიონალურ ოფისებში ვიდეო კონფერენციის საშუალებით.

იხილეთ:    სრული ვერსია

29 ივნისი - 2 ივლისი, 2010 წ.

„საქართველოს კონტროლის პალატისა და შვედეთის ეროვნული აუდიტორული ოფისის ინსტიტუციური განვითარების თანამშრომლობის პროექტის“ ფარგლებში კონტროლის პალატაში გაიმართა სემინარი.

შეხვედრის მთავარი მიზანი იყო მონაწილეთათვის აუდიტის პროცესისა და სახელმძღვანელოს მესამე საფეხურის განხილვა და შემოწმება, საქართველოს კონტროლის პალატის მიერ ჩატარებული 4 საპილოტო აუდიტის დასკვნების მიმოხილვა და ცოდნის გაზიარების სისტემის განვითარება, ასევე, მხარეები  შეთანხმდნენ მომავალი ვიზიტის მოსამზადებელ სამუშაოებზე.

შვედეთის ეროვნული აუდიტორული ოფისი წარმოდგენილი იყო შემდეგი შემადგენლობით: ლარს ნორდსტრანდი - დირექტორ-აუდიტორი, ჯგუფის ხელმძღვანელი;

ანნა ლაგერკვისტი - დირექტორ-აუდიტორი;

კარინ უფფლანდერ ეკმანი - დირექტორ-აუდიტორი;

კამერან კუდური - დირექტორის მოადგილე, საერთაშორისო განვითარების თანამშრომლობის დეპარტამენტი.

3-7 მაისი, 2010 წ.

თანამშრომლობის მემორანდუმის დაწყებიდან, შვედეთის ეროვნული აუდიტორული ოფისი განაგრძობს სკპ-ის მხარდაჭრას - ეფექტიანობის აუდიტის საერთო წარმოდგენისა და მისი მიმართულებების განვითარებას. აღნიშნული სემინარის მიზანი იყო 4 პრობლემის ამოცნობა და სამუშაო გეგმის შექმნაზე მუშაობის დაწყება. შვედეთის ეროვნული აუდიტორული ოფისი წარმოდგენილი იყო შემდეგი შემადგენლობით: რუთგერ ბანეფელთი – მეორე აუდიტორული დეპარტამენტის უფროსის მოადგილე; გორან არნელი – საერთაშორისო სამდივნოს მთავარი აუდიტორი; ისაკ რეიჩელი – მეორე აუდიტორული დეპარტამენტის მთავარი აუდიტორი; კამერან ხუდური – დირექტორის მოადგილე, საერთაშორისო განვითარებისა და თანამშრომლობის დეპარტამენტი.

დადგინდა სემინარის "ეფექტიანობის აუდიტის" სამუშაო გეგმა. სემინარები გაიმართება 2010 წლის შემოდგომასა და 2011 წლის გაზაფხულზე.

12-15 აპრილი, 2010წ.

სემინარის ძირითადი მიზანი იყო კონტროლის პალატის შესაძლებლობისა და საჭირო კვალიფიკაციის განვითარება. რათა დაგეგმოს, განახორციელოს და ანგარიში წარადგინოს საერთაშორისო სტანდარტების შესაბამისად. საქართველოს კონტროლის პალატამ ჩაატარა ოთხი საპილოტე აუდიტის დაგეგმვის ფაზა აღნიშნული პრინციპების და მეთოდოლოგიების  მიხედვით, რაც შემდგომში იქნება გაანალიზებული და შეფასებული შვედეთის უმაღლესი აუდიტორული ოფისის წარმომადგენლების მიერ.

22-25 მარტი, 2010წ.

შეთანხმებული პროექტის ფარგლებში შვედეთის უმაღლესი აუდიტორული ორგანოს წარმომადგენლებმა ჩაატარეს სემინარი კომუნიკაციის სტრატეგიასთან დაკავშირებით. პრეზენტაციის მთავარი თემა იყო დაგეგმილი და რეალურად არსებული მდგომარეობის შედარებ,ა შიდა და გარე კომუნიკაციები დაინტერესებულ მხარეებთან.

23 მარტი, 2010წ.

წინა პარტნიორული ურთიერთობების შედეგად ორივე მხარემ, რომლის წარმომადგენლები იყვნენ შვედეთის უმაღლესი აუდიტორული ოფისის გენერალური აუდიტორი იან ლანდალი და საქართველოს კონტროლის პალატის თავმჯდომარე ლევან ბეჟაშვილი, ხელი მოაწერეს თანამშრომლობის მემორანდუმს, რომელშიც აღინიშნა თანამშრომლობის ზოგადი მიზნები და დადგინდა მომავალი პარტნიორული საქმიანობის სტრუქტურა.

ზემოხსენებული პროექტის ხანგრძლივობის ვადა არის 2010 წლის მარტიდან 2012 წლის დეკემბრამდე და მოიცავს ფინანსური აუდიტის პრაქტიკაში დანერგვას და ასევე სხვა მრავალ მნიშნელოვან საკითხს.

საქართველოს კონტროლის პალატისა და შვედეთის აუდიტორული ორგანიზაციის თანამშრომლობის ფორმირების მიზანი იყო დახმარების გაწევა საქართველოს კონტროლის პალატის  2009-2011 წლების სტრატეგიული განვითარების გეგმის განხორციელებაში, რომელიც შექმნილი იყო ქვეყანაში განვითარებული პოლიტიკური და ეკონომიკური რეფორმების საფუძველზე. ურთიერთობების ძირითადი მიზანია დახმარება გაეწიოს  კონტროლის პალატას გრძელვადიანი გეგმებით განსაზღვრული მიზნების მიღწევასა და განხორციელებაში.

14-17.09.2010  სემინარი „ფინანსური აუდიტი“, თბილისი, საქართველო

27-30.09.2010   სემინარი „შიდა და გარე კომუნიკაციები“, თბილისი, საქართველო

4-8.10.2010       სემინარი „ეფექტიანობის აუდიტი“, თბილისი, საქართველო

11-12.2010       სემინარი „საინფორმაციო ტექნოლოგიების (IT) სტრატეგია“